"Канфармісты ненадзейныя": папярэджанне ўсім, у каго ёсць улада

У сістэме наўрад ці засталіся людзі, здольныя раскрытыкаваць рашэнні ўлады, але псіхолагу Уладзіміру Янчуку было б цікава зазірнуць ва ўнутраны свет "маўклівых" людзей.

— Гэта тыповыя канфармісты. Але канфармісты вылучаюцца мабільнасцю: яны выказваюць лаяльнасць асобе, якая мае ўладу. Але калі гэтая асоба мяняецца, канфарміста можна не пазнаць, — адзначае Янчук.

Ён папярэджвае: канфармісты — людзі ненадзейныя.

— Калі чалавек дэманструе пастаянную лаяльнасць, памятайце пра тое, што такую ж пазіцыю ён можа заняць у дачыненні да іншага чалавека. Вось чалавек, які дэманструе сваю пазіцыю, нягледзячы на рознага роду згодных, — надзейны, на яго спадзявацца можна.

Ці можа аказацца, што сістэма ўжо цяпер "жарэ сябе знутры"? Янчук перакананы: можа. Але пры адсутнасці дакладнай інфармацыі пра тое, што адбываецца ў дзяржструктурах, пра гэта можна толькі здагадвацца.