КДБ прызнаў платформу "Сход" экстрэмісцкім фармаваннем

16/12/2021 - 13:15

Камітэт дзяржбяспекі 13 снежня прызнаў платформу "Сход" экстрэмісцкім фармаваннем, паведамляе прэс-служба МУС.

"Сход" — гэта лічбавая платформа, створаная для вылучэння і выбару народных прадстаўнікоў, якія маглі б удзельнічаць у нацыянальным дыялогу. Стваральнікі "Сходу" падкрэслівалі, што гэтая пляцоўка "не замяняе сабой органы дзяржаўнай улады і кіравання, рэспубліканскія і мясцовыя сходы".

У жніўні ў некалькіх дэлегатаў "Сходу" адбыліся ператрусы. Экс-амбасадара Беларусі ў Славакіі Ігара Ляшчэню пасля ператрусу затрымалі і выпусцілі праз 10 дзён. У яго застаўся статус падазраванага па крымінальнай справе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.