Камандзір Палка Каліноўскага пракаментаваў затрыманне Верамейчыка

Камандзір Палка Каліноўскага Павел Шурмей пракаментаваў экстрадыцыю ў Беларусь былога байца Васіля Верамейчыка. Павел Шурмей і некаторыя іншыя байцы ПКК наведваюць Вільню, і камандзір аб'яднання адказвае на пытанні беларусаў.

"Ад самага пачатку робіцца ўсё магчымае. Каб усе зразумелі — некаторыя справы трэба рабіць ціха. Але каб нехта не сказаў, што можна замаўчаць праблему", — цытуе Шурмея "Наша Ніва".

Ён абвяргае чуткі пра тое, нібыта вайсковая часціна, у якой служыў Верамейчык, спрычынілася да яго забароны на ўезд ва Украіну.

"На маю думку, ва Украіне высвятляюць абставіны, чаму ў Васіля была забарона. Трэба ведаць, што і як было", — падзяліўся Павел Шурмей.

Павел Верамейчык быў выдадзены з В'етнама ў Беларусь. У краіне яму пагражае вялікі турэмны тэрмін і нават смяротнае пакаранне.