Кітай перадаў Беларусі 2 млн доз вакцыны ад каранавіруса
Перадача грузу адбылася ў прысутнасці пасла Беларусі ў КНР Юрыя Сянько / @belta_telegramm
У Беларусь даставяць чарговую партыю кітайскай вакцыны ад каранавіруснай інфекцыі вытворчасці Cinofarm. Учора ў аэрапорце Пекіна беларускія дыпламаты прынялі груз. Гэта гуманітарная дапамога — кітайскі ўрад перадаў Беларусі 2 млн доз вакцыны і аднаразовыя шпрыцы да іх.
Мяркуецца, што груз прыбудзе ў Мінск 10-11 лістапада.
БЕЛТА нагадвае, што ўсяго ў 2021-2022 гадах, з улікам і гэтай пастаўкі, Кітай перадаў Беларусі ў якасці гуманітарнай дапамогі блізу 5 млн доз вакцыны. Яшчэ амаль такую ж колькасць Мінск закупіў у Пекіна самастойна.
