У Лелікаве пад Кобрынам згарэла драўляная царква XVIII стагоддзя
![У Лелікаве пад Кобрынам згарэла драўляная царква XVIII стагоддзя](/sites/default/files/styles/gallery_main/public/2023-08/kobryn-1103-3.jpg.webp?itok=t5h0rPLa)
10 сакавіка ў 12:45 ратавальнікі атрымалі паведамленне пра пажар у царкве ў вёсцы Лелікава Кобрынскага раёна, інфармуе прэс-служба МНС.
Прыбыўшы на месца здарэння, ратавальнікі пабачылі, што з-пад даху царквы ідзе дым, знутры яна гарыць. Дзверы будынка былі адчыненыя. Настаяцель распавёў, што пра пажар яму паведамілі мясцовыя жыхары. Трапіць у будынак не атрымалася — перашкодзіў шчыльны дым і высокая тэмпература.
Свята-Дзімітраўская царква ў вёсцы Лелікава — драўляны будынак XVIII стагоддзя. Гэта гісторыка-культурная каштоўнасць.
![У Лелікаве пад Кобрынам згарэла драўляная царква XVIII стагоддзя](/sites/default/files/paragraphs/image/hram.jpg)
Так храм выглядаў да пажару / hram.by
Ратавальнікі ліквідавалі пажар. Агнём знішчаны дах на плошчы 75 квадратныя метры, пашкоджаныя сцены і маёмасць.
Пацярпелых пры здарэнні няма.