“Ліверпуль” разграміў “Манчэстар Сіці”, а “Барселона” — “Рому” (відэа)

У сераду прайшлі чарговыя два матчы ¼ фіналу футбольнай Лігі чэмпіёнаў. “Ліверпуль” разграміў “Манчэстар Сіці”, лідара англійскай Прэм’ер-лігі, з лікам 3:0. Усе галы былі забітыя ў першым тайме, вызначыліся Салах, Окслейд-Чэмберлен і Манэ. “Барселона” ў прысутнасці больш за 96 тысяч заўзятараў разграміла “Рому” — 4:1. Цікава, што на рахунку гульцоў італьянскага клуба аж два аўтагола.

Матчы ў адказ пройдуць 10 красавіка, а 11-га правядуць другія паядынкі “Баварыя” і “Севілья” (першы матч — 2:1), “Рэал” і “Ювентус” (3:0).