Лявон Вольскі меў закрыць выставу "Музыка без межаў", а ў выніку працягнуў яе
19 сакавіка ў культурнай прасторы ЦЭХ у Мінску мела адбыцца закрыццё выставы "Музыка без межаў", якое павінна было суправаджацца сустрэчай з адным з аўтараў карцін — Лявонам Вольскім. Натуральна, прыхільнікі рознабаковаых талентаў беларускіх музыкаў не маглі прапусціць падзею. Аднак, у выніку выстава так і не зачынілася, улічваючы цікаўнасць публікі, вырашана было працягнуць экспазіцыю яшчэ на тыдзень.
Натуральна, што не абышлося без невялікага канцэрта Лявона Вольскага. Сярод публікі апынуўся і лідар "Дай Дарогу!" Юрый Стыльскі, які быў праездам у Мінску, яго карціны таксама прадстаўленыя на выставе. Лявон заўважыў Юру і прапанаваў яму сыграць некалькі песень. Публіка з аднолькавым задавальненнем падпявала як Вольскаму, так і Стыльскаму.
