Міністр расказаў, як беларускія медыкі заразіліся каранавірусам
![Міністр расказаў, як беларускія медыкі заразіліся каранавірусам](/sites/default/files/styles/gallery_main/public/2023-08/3451727563e9b4490fd52e4a4fde30e5.jpg.webp?itok=yAj6Ola8)
Міністр аховы здароўя Уладзімір Каранік расказаў, як беларускія медыкі заразіліся каранавірусам. Па словах Караніка, ёсць выпадкі, калі пацыенты з сімптомамі COVID-19 замест таго, каб выклікаць лекара, прыходзілі на прыём у звычайную паліклініку. У выніку, адбывалася заражэнне лекараў. Міністр у чарговы раз нагадаў, што калі ў чалавека з'яўляюцца прыкметы рэспіраторнай інфекцыі, яму не трэба бегчы ў паліклініку, а трэба туды патэлефанаваць і выклікаць лекара.
У Беларусі на раніцу 7 красавіка быў 861 выпадак заражэння каранавіруснай інфекцыяй COVID-19, памерлі 13 чалавек. Новыя звесткі чакаюцца ў бліжэйшыя гадзіны. У нашай краіне з сённяшняга дня працуе місія Сусветнай арганізацыі аховы здароўя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.