МЗС Беларусі: Тут патрэбныя альбо лекары, альбо праваахоўныя органы
Беларусь прыкладзе ўсе намаганні для таго, каб ва Украіне ўсталяваўся мір. І будзе гэта рабіць нягледзячы на "не зусім адэкватныя заявы" на адрас нашай краіны. Пра гэта парталу tut.by паведаміў начальнік упраўлення інфармацыі МЗС Дзмітрый Мірончык, каментуючы нядаўнія выказванні ўкраінскіх палітыкаў.
"Мы шчыра жадаем міру суседняй Украіне і гатовыя рабіць усё магчымае для яго дасягненні — часам нават раней, чым да гэтага даспяваюць удзельнікі перамоўнага працэсу. Цяпер тэма міратворцаў на Данбасе абмяркоўваецца і ўвасабляецца ў форму праектаў рэзалюцый Савета бяспекі ААН. Мы гаварылі пра гэта яшчэ ў кастрычніку 2014 года. І ад сваіх слоў не адмаўляемся, як і пацвердзіў учора кіраўнік МЗС Беларусі", — кажа Мірончык.
"Не зусім адэкватныя" заявы, па словах дыпламата, робяць пераважна "палітычныя маргіналы або асобы, не надзеленыя рэальнай уладай". Мірончык мяркуе, што гэтыя заявы разлічаныя ў першую чаргу на ўкраінскую аўдыторыю: "Іх "выкрывальныя" адкрыцці і падлік "нажоў у спіну" адрасаваныя ўкраінскай аўдыторыі і з'яўляюцца чарговай спробай прыцягнуць да сябе ўвагу".
А заявы ствараць дыверсійныя групы і закідваць іх у Беларусь, з якімі выступіў ўкраінскі палітык Ігар Мірашнічэнка, гэта ўжо за гранню палітычнага піяру, адзначае дыпламат: "Тут патрэбная ўвага альбо лекараў, альбо праваахоўных органаў. А лепш — і тых, і іншых".
Мірончык выказаў надзею, што ўкраінскі бок дасць гэтым заявам "як мінімум палітычную, а лепш — прававую ацэнку".
