Назад на Месяц: NASA гатова да другой спробы запуску "Артэміды-1"
Стартавы комплекс NASA у Фларыдзе / Reuters
NASA ў другі раз паспрабуе запусціць месяцовую місію "Артэміда-1". Мяркуецца, што ракета-носьбіт Space Launch System з касмічным караблём Orion адправіцца да Месяца 3 верасня каля дзевяці вечара па Мінску.
Месяцовая місія павінна была стартаваць 29 жніўня, але адбылася ўцечка вадкага вадароду пры запраўцы першай ступені ракеты.
У рамках праекта NASA плануе праз 53 гады пасля апошняй місіі высадзіць астранаўтаў на Месяц. На будучыню планы вялікія — будаўніцтва калямесяцовай станцыі і падрыхтоўка для магчымай каланізацыі Месяца. Цяперашні палёт разлічаны на тое, што карабель Orion толькі прабудзе на арбіце Месяца і вернецца назад.
