Новы генеральны сакратар NATO Марк Рутэ прыбыў з візітам у Кіеў
Марк Рутэ і Уладзімір Зяленскі / x.com/ZelenskyyUa
Новы генеральны сакратар NATO Марк Рутэ прыбыў з візітам ва Украіну. 3 кастрычніка ён правёў у Кіеве сустрэчу з украінскім прэзідэнтам Уладзімірам Зяленскім.
"Першы візіт Марка Рутэ як кіраўніка NATO адбываецца менавіта ва Украіну. Гэта сапраўды важна, — піша Зяленскі. — Адразу зразумелыя і прыярытэты, дзе менавіта цяпер ідзе абарона агульных каштоўнасцяў усёй Еўраатлантыкі. І таксама гэта падкрэслівае, што мы ва Украіне можам разлічваць на далейшае асабістае лідарства Марка. Вядома, ключавая наша мэта — гэта паўнавартаснае сяброўства Украіны ў альянсе. Таксама абмеркавалі сёння План перамогі Украіны, сітуацыю на полі бою, наяўныя патрэбы нашых падраздзяленняў і ўкраінскія патрэбы ў СПА і ў дадатковым узаемадзеянні з суседзямі".
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
