Падлеткаў, якія залілі Вечны агонь у Гродне, пакінулі пад вартай

Падлеткаў, якія днямі ў Гродне патушылі Вечны агонь газаваным напоем, пакінулі пад вартай. Такое рашэнне прыняла пракуратура Гродна. Рашэнне агучвалі публічна — у прысутнасці навучэнцаў Гродзенскага дзяржаўнага прафесійнага ліцэя будаўнікоў №1 і сярэдняй школы №39.  

Выбар такой меры стрымання быў абумоўлены "абставінамі злачынства і дадзенымі пра асобу абвінавачаных", растлумачыў намеснік начальніка ўпраўлення Генеральнай пракуратуры Дзмітрый Брылёў.  

Супраць падлеткаў распачалі крымінальную справу. Іх абвінавачваюць у злосным хуліганстве. Хлопцам 14 і 15 гадоў. Увечары 15 кастрычніка ў парку Жылібера адзін з іх выліў на Вечны агонь напой, а другі зняў гэта на відэа і затым выклаў у сацсеткі.