Перамовы трохбаковай кантактнай групы па Украіне пачаліся ў Мінску
Перамовы па ўрэгуляванні сітуацыі на ўсходзе Украіны пачаліся ў Мінску. Гэтая інфармацыя размешчаная ў афіцыйным твітар-акаўнце Міністэрства замежных спраў Беларусі:
Рабочие группы начинают встречи накануне заседания Трехсторонней контактной группы по урегулированию ситуации на востоке Украины в #Минск'е pic.twitter.com/ZAzUtTLZHJ
— МИД Беларуси (@BelarusMID) October 18, 2017
Папярэдняя сустрэча трохбаковай кантактнай групы прайшла ў беларускай сталіцы 4 кастрычніка, прыгадвае БелТА. Спецпрадстаўнік АБСЕ Марцін Сайдзік тады заявіў, што цяпер рэжым спынення агню ў зоне канфлікту парушаецца прыкметна радзей, чым да пачатку перамір'я з нагоды пачатку навучальнага года.
"Паводле дадзеных ААН, у верасні колькасць грамадзянскіх ахвяраў была самай нізкай за ўвесь час канфлікту — двое забітых і 16 параненых", — канстатаваў ён.
Дыпламат заўважыў, што агульная сітуацыя ў зоне канфлікту дагэтуль нестабільная, таму трохбаковая кантактная група будзе прыкладаць усе намаганні для забеспячэння рэжыму бестэрміновага спынення агню.
