Ператрус у "Рэгіянальнай газеце" ў Маладзечне
19 ліпеня сілавікі прыйшлі ў рэдакцыю недзяржаўнай "Рэгіянальнай газеты" ў Маладзечне, паведамляе прэс-служба БАЖ.
На сувязь не выходзяць супрацоўніцы выдання Зоя Хруцкая і Настасся Уткіна. Сведкі кажуць, што ў рэдакцыі ёсць людзі ў цывільным.
Зранку сілавікі прыйшлі дадому да галоўнага рэдактара выдання Аляксандра Манцэвіча. Яго разам з жонкай звезлі на допыт.
Ператрусы ў СМІ і недзяржаўных арганізацыях актыўна ідуць на працягу ліпеня. На мінулым тыдні яны асабліва актывізаваліся: ператрусы 14 ліпеня былі названыя "чорнай серадой".
