Праваабаронцы прызналі палітвязнямі яшчэ пяцярых беларусаў
У Беларусі з'явіліся новыя палітвязні / Еўрарадыё
У Беларусі дадалося пяць новых палітвязняў, паведамляе праваабарончы цэнтр "Вясна".
Гэта Афанасій Афанасенкаў, Уладзімір Дэмбіцкі, Яўген Вялесік, Яўген Блінкоў, Наталля Сцёпіна.
Усе яны былі асуджаныя па абвінавачаннях у абразе Лукашэнкі ці прадстаўнікоў улады ў інтэрнэце.
Дарэчы, як заявіў генпракурор Андрэй Швед, 30 палітвязняў, памілаваных сёння, былі асуджаныя па такіх самых абвінавачаннях.
