Рамантычная трагікамедыя з беларускага футбола набірае мільёны праглядаў
Кур'ёзны выпадак у Смаргоні / Скрыншот з відэа АБФФ
Рамантычная трагікамедыя з беларускага футбола набірае мільёны праглядаў. А таксама сотні тысяч лайкаў. Нядаўна ў матчы першай лігі чэмпіянату Беларусі па футболе абаронца "Смаргоні" Уладзіслаў Шубовіч арыгінальна адсвяткаваў гол, забіты ў браму пінскай "Хвалі". Разам з іншымі гульцамі ён падышоў да краю поля, каб зрабіць прапанову сваёй дзяўчыне. Сцюард не адразу зразумеў, што адбываецца, і груба адштурхнуў яе. У выніку ледзь не пачалася бойка. На шчасце, усё скончылася добра.
Відэа трапіла ў інстаграм-паблік "433", дзе ўжо за першую гадзіну сабрала больш за 3 млн праглядаў і сотні тысяч лайкаў.
