БАТЭ: спадзяемся, што сёння будзе 16 тысяч заўзятараў
На сённяшні матч плэй-оф кваліфікацыі футбольнай Лігі чэмпіёнаў барысаўчан з ізраільскім "Хапаэлем" квіткі пакуль прадаюцца не вельмі актыўна.
Ён пройдзе на сталічным стадыёне "Дынама" (пачатак у 21.45).
Вось што распавяла пра сітуацыю з продажам білетаў кіраўніца дэпартамента развіцця ФК БАТЭ Наталля Марчанка:
120822 Marczanka.mp3
"На сённяшні дзень яшчэ ўскладаем вялікія надзеі, што наблізімся хаця б да мінулагодняга выніку. У мінулым годзе на матч са "Штурмам" (матч такога ж рангу) прыйшло 16 тысяч заўзятараў".
Нагадаем, перамога барысаўчан па выніках двух матчаў выводзіць іх у групавы раўнд Лігі чэмпіёнаў.
Фота — fcbate.by
