Сілавікі сталі затрымліваць кіроўцаў на трасе М1 на мяжы з Расіяй
Дуброўна / belarus-tomsk.ru
Апошні месяц у Дубровенскім раёне на трасе М1 сілавікі сталі часцей, чым раней, затрымліваць кіроўцаў, якія едуць у бок Расіі ці адтуль, пішуць праваабаронцы.
У беларусаў правяраюць тэлефоны, шукаюць "экстрэмісцкія" падпіскі ў тэлеграм-каналах і чатах. Некаторых затрымліваюць і адвозяць у Дуброўна, дзе іх судзяць паводле арт. 19.11 КаАП.
Вядома, што 21 траўня затрымалі магілёўца: яго аштрафавалі на 1110 рублёў і канфіскавалі тэлефон.
А 24 траўня затрымалі яшчэ двух беларусаў і асудзілі на 15 сутак адміністрацыйнага арышту кожнага.
