Статус Усебеларускага народнага сходу збіраюцца замацаваць заканадаўча

Планам падрыхтоўкі законапраектаў на бягучы год прадугледжана ўнясенне зменаў у закон "Аб рэспубліканскіх і мясцовых сходах" (№ 411-3 ад 12 ліпеня 2000 года). Робіцца гэта няспешна — да лістапада падрыхтуюць прапановы, якія ўнясуць на разгляд Палаты прадстаўнікоў у пачатку вясны 2022-га. Ці не ўнясуць, калі сітуацыя за гэты час зменіцца і новаўвядзенне палічаць немэтазгодным.

А пакуль у абгрунтаванні адзначаецца, што прапанова "абумоўлена неабходнасцю ўзмацнення аўтарытэту такога найважнейшага грамадскага інстытута ў абмеркаванні пытанняў рэспубліканскага значэння, як Усебеларускі народны сход, які з'яўляецца разнавіднасцю рэспубліканскага сходу". Таксама заяўляецца неабходнасць "замацаваць статус Усебеларускага народнага сходу". Мяркуецца "пералічыць у законе канкрэтныя пытанні, якія разглядаюцца на Усебеларускім народным сходзе", а таксама "вызначыць юрыдычную сілу рашэнняў, якія прымаюцца ім, перыядычнасць правядзення".