Сямашка прапануе не звязваць кампенсацыю падатковага манеўру з інтэграцыяй
![Сямашка прапануе не звязваць кампенсацыю падатковага манеўру з інтэграцыяй](/sites/default/files/styles/gallery_main/public/2023-08/siamaszka-1607.jpg.webp?itok=LjVdcoU9)
Амбасадар Беларусі ў Расіі Уладзімір Сямашка прапаноўваў не звязваць кампенсацыю страт ад падатковага манеўру ў Расіі з паглыбленнем інтэграцыі паміж нашымі краінамі. Пра гэта паведамляе інфармагенцтва БЕЛТА.
Беларусь вядзе перамовы з расійскім бокам пра кампенсацыю за падатковы манеўр у нафтавай сферы. Па словах дыпламата, бакі паразумеліся ў гэтым пытанні, але расіяне заяўляюць, што прыняць канчатковыя рашэнні можна будзе толькі пасля паглыблення інтэграцыі.
"Я лічу, што нельга звязваць адны рэчы з іншымі, бо тое, што наспела ў рамках іншых пагадненняў, іншых дамоўленасцяў, трэба вырашаць, і даўно трэба было вырашаць — ужо з 31 студзеня гэтага года", — заявіў Сямашка.
Дыпламат дадаў, што Беларусь і Расія яшчэ да канца года павінны падпісаць пагадненне пра ўзаемнае прызнанне візаў. Па яго словах, абедзве краіны завяршылі ўнутрыдзяржаўныя працэдуры па ўзгадненні дакумента і цяпер чакаюць зручнага палітычнага моманту.
Больш важных падзей у праграме «Петарда»