Ад ліпеня ў паветраную прастору Беларусі зайшло 106 "шахедаў" — Беларускі Гаюн
"Шахед", ілюстрацыйнае фота / focus.ua
Пачынаючы з ліпеня ў паветраную прастору Беларусі зайшлі 106 дронаў тыпу "шахед", якімі карыстаецца расійска войска ў вайне супраць Украіны. Гэта падлічылі ў маніторынгавай групе "Беларускі Гаюн".
Прычым дзесяць з іх заляцелі ў нашу краіну мінулай ноччу. Для іх знішчэння была задзейнічаная супрацьпаветраная абарона РБ.
"Беларускі Гаюн" адзначае, што акрамя "шахедаў" з ліпеня ў Беларусь заляталі адзін дрон тыпу Supercam і адзін "арлан".
Рост гэтых заходаў у Беларусь адбываецца па экспаненце:
ліпень — 9 дронаў;
жнівень — 12 дронаў;
верасень — 27 дронаў;
кастрычнік — 49 дронаў.
І ўжо ў лістападзе ў нашу краіну заляцелі дзевяць расійскіх дронаў.
За час назірання на тэрыторыі Беларусі было збіта ці проста ўпалі шэсць "шахедаў" (і яшчэ адзін — у Латвіі, праляцеўшы 500 км праз Беларусь).
28 дронаў былі лакацыйна страчаныя: дзе яны знаходзяцца невядома.
