У Францыі ліхаманку Эбола вылечылі эксперыментальным прэпаратам
Медсястра, імя якой не разгалошваецца, захварэла ў Ліберыі. Яе змаглі вылечыць у Францыі.
Пра гэтае дасягненне паведаміла французскі міністр аховы здароўя Марызоль Турэн. Паводле словаў міністра, пацыентка прайшла курс лекавання тэставым прэпаратам і ўжо выпісалася з лякарні, паведамляе ВВС.
Хворую вывезлі ў Францыю на самалёце 19 верасня і адразу ж даставілі ў адну з клінік у прыгарадзе Парыжу.
