У Гарадку ў чужой лазні загінула невядомая жанчына
У Гарадку ў Віцебскай вобласці ў чужой лазні загінула невядомая жанчына. Яе труп знайшлі на гарышчы будынка падчас тушэння пажару. Як інфармуе прэс-служба МНС, здарэнне адбылося раніцай 15 жніўня. Ратавальнікі выязджалі на тушэнне лазні, што знаходзіцца на прыватным падворку.
Мяркуецца, што ўзгаранне адбылося з-за неасцярожнага абыходжання з агнём загінулай. Яе асобу высвятляюць праваахоўнікі. Ужо вядома, што 67-гадовы гаспадар падворку, на якім адбылося здарэнне, стала жыве ў сацыяльнай установе для састарэлых у Віцебску, сваякоў не мае.
112.by
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
