У Магілёве будуць тры дні цвярозасці
Алкагольныя напоі будуць даступныя толькі ў грамадскім харчаванні / dneprovec.by
У Магілёве ў 2024 годзе будуць тры дні цвярозасці. Адпаведнае рашэнне прыняў мясцовы гарвыканкам.
Чыноўнікі размеркавалі "цвярозыя дні" на 27 красавіка, 25 траўня і 14 чэрвеня. Вясной мясцовыя ўлады ў згаданыя даты праводзяць "Дні цвярозасці". Летняя дата прымеркавана да выпускных вечароў у школах.
У дні цвярозасці алкагольныя напоі будуць даступныя толькі ў грамадскім харчаванні на разліў.
Летась баранавіцкія ўлады зрабілі ў верасні два дні цвярозасці запар і прымеркавалі іх да "Дня народнага адзінства". Але час абмежавання складаў 10-13 гадзін на суткі.
