У Мінску пачаўся завочны суд над Святланай Ціханоўскай
![Фарс у Мінску / БЕЛТА](/sites/default/files/styles/gallery_main/public/2023-08/Fars1.jpg.webp?itok=kt_OlISb)
Фарс у Мінску / БЕЛТА
17 студзеня ў Мінскім гарадскім судзе пачаўся завочны суд над Святланай Ціханоўскай, Марыяй Мароз, Паўлам Латушкам, Вольгай Кавальковай і Сяргеем Дылеўскім. Усе яны жывуць за мяжой. Суддзя — Пётр Арлоў. Лідарцы дэмакратычнага руху інкрымінуецца 10 артыкулаў Крымінальнага кодэкса. Сярод іх — "стварэнне экстрэмісцкіх фармаванняў і кіраўніцтва імі, учыненыя паўторна", "здрада дзяржаве", "падрыхтоўка да захопу і ўтрымання будынкаў і збудаванняў", "публічныя заклікі да захопу дзяржаўнай улады". Ціханоўская назвала гэты працэс "у парадку спецыяльнай вытворчасці" "фарсам". Яна ў гэтыя дні ўдзельнічае ў Сусветным эканамічным форуме ў швейцарскім Давосе.
Першы завочны прысуд у Мінску вынеслі ў снежні 2022-га. Аляксандра Апейкіна і Аляксандру Герасіменю "пакаралі" за іх дзейнасць у Беларускім фондзе спартыўнай салідарнасці і прысудзілі па 12 гадоў калоніі кожнаму. "Завочна вы мяне можаце нават расстраляць!", — заявіла Герасіменя.
![У Мінску пачаўся завочны суд над Святланай Ціханоўскай](/sites/default/files/styles/default_image_paragraph/public/paragraphs/image/000022_DD442F272DE406354325892800082C81_153228.jpg.webp?itok=9ksVDSnO)
![У Мінску пачаўся завочны суд над Святланай Ціханоўскай](/sites/default/files/styles/default_image_paragraph/public/paragraphs/image/55_27.jpg.webp?itok=ZsHvQJ04)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.