У Мінску затрымалі шэсць чалавек за вывешаны "беларуска-ўкраінскі сцяг"
![Сцяг на апоры лініі электраперадач / Скрыншот з відэа МУС](/sites/default/files/styles/gallery_main/public/2023-08/Sciahi.jpg.webp?itok=XTBDadwD)
Сцяг на апоры лініі электраперадач / Скрыншот з відэа МУС
У Мінску затрымалі шэсць чалавек за вывешаны на апоры лініі электраперадач сцяг, які складаўся з бел-чырвона-белых і жоўта-блакітных колераў. Супраць іх распачата крымінальная справа за "злоснае хуліганства". Як паведамляе прэс-служба МУС, акцыя была праведзена ў пачатку кастрычніка. Міліцыя змагла выйсці на падпольшчыкаў.
Затрыманым ад 34 да 36 гадоў. Сцвярджаецца, што яны ўдзельнічалі ў пратэстах 2020-га, былі ў раённых чатах, былі падпісаныя на "незаконныя" тэлеграм-каналы.
![У Мінску затрымалі шэсць чалавек за вывешаны "беларуска-ўкраінскі сцяг"](/sites/default/files/styles/default_image_paragraph/public/paragraphs/image/4_78.jpg.webp?itok=K_-7FMKP)
Чацвёра з затрыманых / Скрыншот з відэа МУС
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.