У Мінску зноў затрымлівалі Ніну Багінскую

Увечары 30 кастрычніка ў Мінску зноў затрымалі актывістку апазіцыі Ніну Багінскую.

Гэта яе другое затрыманне за апошнія два тыдні. 19 кастрычніка Багінскую затрымалі за выхад на у цэнтр Мінска з плакатам "БНФ" — менавіта ў гэты дзень у 1988 годзе быў заснаваны аргкамітэт Беларускага народнага фронту.

У сераду, як перадае "Белсат", жанчыну затрымалі на плошчы Незалежнасці. Яна завязвала бел-чырвона-белую стужачку на дрэве каля зачыненага будынка Чырвонага касцёла.

У міліцыі яе пратрымалі дзве гадзіны і склалі адміністрацыйны пратакол. Пасля гэтага пенсіянерку адпусцілі дамоў да суда.

Чырвоны касцёл быў зачынены ўладамі 26 верасня 2022 года пад нагодай рамонта. Пасля гэтага два гады ў ў будынку не вядзецца ніякіх дзеянняў. Вернікі неаднаразова звярталіся да розных чыноўнікаў з просьбай вярнуць касцёл і прапаноўвалі самі правесці рамонт, аднак беспаспяхова.