У Савеце бяспекі Беларусі прапанавалі Польшчы правесці сумесныя вучэнні
Беларускія вайскоўцы / "Ваяр"
Арыенціровачна з 20 па 26 верасня ў Беларусі пройдуць маштабныя вайсковыя вучэнні. Пра гэта ў эфіры тэлеканала СТБ увечары 17 верасня паведаміў намеснік дзяржсакратара Савета бяспекі Беларусі Павел Муравейка.
Па яго словах, у гэтых вучэннях прымуць удзел "усе элементы вайсковай арганізацыі дзяржавы", у тым ліку і народнае апалчэнне. Дзе менавіта будуць праводзіцца вучэнні, ён не ўдакладніў.
Разам з тым Муравейка заявіў, што Беларусь гатовая правесці сумесныя вайсковыя вучэнні з Польшчай: "Калі палякі гатовыя правесці з намі вучэнні, мы з задавальненнем выступім з такой ініцыятывай і разгледзім, якія пытанні мы зможам адпрацаваць сумесна".
Ён пералічыў магчымыя сферы сумесных вайсковых вучэнняў: супрацьпаветраная абарона пры ахове мяжы, памежная бяспека, "процідзеянне трансгранічным пагрозам, звязаным з біялагічнымі ды іншымі надзвычайнымі сітуацыямі".
