У траўні ў Беларусі па крымінальных палітычных справах судзілі 145 чалавек
У следчым ізалятары / spring96.org
У траўні ў Беларусі па крымінальных палітычных справах судзілі не менш за 145 чалавек (у тым ліку 31 жанчыну). Лідары па крымінальным пераследзе за палітыку — Мінск (76 чалавек) і Брэсцкая вобласць (34), паведамляюць праваабаронцы "Вясны".
Акрамя гэтага, за мінулы месяц за ўдзел у пратэстах асудзілі не менш за шэсць сем'яў.
Праваабаронцы адзначаюць, што ў структуры крымінальнага пераследу па палітычных матывах штомесяц фіксуюцца выпадкі паўторнага і наступнага судовага пераследу грамадзян. Усё часцей у якасці інструмента рэпрэсій выкарыстоўваюць для пераследу артыкул "злачынствы супраць дзяржавы".
