У Ваўкавыску падлеткаў павялі на экскурсію ў калонію
Падлеткі на "экскурсіі" ў калоніі
У Ваўкавыску (Гродзенская вобласць) падлеткаў павялі на экскурсію ў калонію. На думку абласной інспекцыі па справах непаўналетніх, гэта "добрая прафілактыка".
"Размовы пра зладзейскую рамантыку, — гэта толькі размовы, — звярнуўся да непаўналетніх намеснік начальніка папраўчай установы "ПК-11" Міхаіл Матора. — Напраўду ж у месцах зняволення выконваецца строгі рэжым і дзейнічае маса забаронаў і абмежаванняў".
"Было бачна, што экскурсія зрабіла на навучэнцаў моцнае ўражанне, — зазначыў пасля прадстаўнік папраўчай установы. — Будзем спадзявацца, што кожны з іх зробіць пэўныя высновы і зразумее, што калонія зусім не тое месца, куды варта імкнуцца трапіць".
