Вызначыліся сапернікі беларускіх клубаў у Лізе канферэнцый
16 чэрвеня лёсаванне вызначыла сапернікаў беларускіх футбольных клубаў у другім раўндзе новага еўракубка — Лігі канферэнцый.
Жодзінскае "Тарпеда-БелАЗ" будзе сустракацца з дацкім "Капенгагенам".
Сапернік БАТЭ вызначыцца ў супрацьстаянні пары "Дынама" Батумі (Грузія) — "Трэ Пенне" (Сан-Марына).
Брэсцкае "Дынама" будзе гуляць супраць пльзеньскай "Вікторыі". Першая сустрэча пройдзе ў Чэхіі.
Калі салігорскі "Шахцёр" у першым раўндзе Лігі чэмпіёнаў прайграе балгарскаму "Лудагорцу", то ў другім адборачным раўндзе Лігі канферэнцый ён сустрэнецца з клубам, які прайграе ў пары "Фола" (Люксембург) — "Лінкальн" (Гібралтар).
