Журналіста-палітвязня Яўгена Меркіса змяшчалі ў карцар на чацвёра сутак
Яўген Меркіс / belsat.eu
Чацвёра сутак правёў у карцары СІЗА №3 гомельскі журналіст і краязнаўца Яўген Меркіс, піша тг-канал "Штодзень".
Так палітвязня пакаралі за тое, што ён нібыта не пагаліўся. Цяпер, як паведамляецца, Меркіс знаходзіцца ў звычайнай камеры, пачуваецца нармальна.
Як распавядала Еўрарадыё, Меркіса затрымалі ў верасні. На яго пачалі крымінальную справу па садзейнічанні экстрэмісцкай дзейнасці (арт. 361-4). Журналісту пагражае ад 2 да 6 гадоў зняволення.
Праваабаронцы прызналі Меркіса палітвязнем.
