“Życie”: ці гатовыя беларусы па-ранейшаму падтрымліваць сваіх — эфір

З’язджаць з Беларусі беларусы працягваюць дагэтуль. І калі з тымі, хто да выезду рыхтаваўся і мог спланаваць як дарогу ў новую краіну, так і магчымасці ўладкавацца, то ў тых, каму даводзіцца зрывацца з месца раптоўна і без падрыхтоўкі, сітуацыі іншая. У іх няма не толькі загадзя падрыхтаванага месца жыцця, але і часам самых неабходных рэчаў. А часцяком і сродкаў для іх набыцця. І тады даводзіцца спадзявацца на падтрымку і салідарнасць суайчыннікаў. Але апошнім часам і тут назіраюцца пэўныя праблемы.

Ці шмат беларусаў па-ранейшаму мае патрэбу ў падтрымцы і хто найперш цяпер звяртаецца па дапамогу? Чым жыве шэлтар і якія ў яго галоўныя патрэбы сёння? Як рэагуюць людзі на просьбу падтрымаць і ці стала менш салідарнасці ў беларусаў? На гэтыя ды іншыя пытанні ў эфіры Еўрарадыё адказвае дырэктарка шэлтара для ўцекачоў Фонду дабрачыннай дапамогі беларускім і ўкраінскім эмігрантам у Польшчы “Życie” Ганна Федаронак у 14:00.