15-гадовы падлетак памёр у Смаргоні ў ванне
Ванны пакой, ілюстрацыйнае фота / pixabay.com
У Смаргоні ў ванне памёр падлетак, перадае тэлеканал "Гродна". Праз тыдзень яму мусіла споўніцца 16 гадоў.
Хлопчык доўга не выходзіў з ваннага пакоя, што насцярожыла маці. Калі родныя здолелі трапіць у ванны пакой, то пабачылі падлетка пад вадой.
Выратаваць яго не ўдалося.
Паведамляецца, што сям'я хлопчыка характарызуецца добра, сам падлетак вылучаўся поспехамі ў навучанні і спорце.
Прычыны яго смерці высвятляюцца.
