29 лістапада з Беларусі ў Польшчу спрабавалі трапіць 134 чалавекі
За панядзелак, 29 лістапада, з Беларусі ў Польшчу нелегальна спрабавалі трапіць 134 чалавекі, паведамляе прэс-служба польскіх памежнікаў.
Двух грамадзян Украіны затрымалі за дапамогу нелегальным мігрантам.
Учора памежнікі выдалі 33 пастановы аб выдаленні з тэрыторыі Польшчы.
Паведамляецца таксама, што групы агрэсіўных замежнікаў фарсіравалі мяжу на ўчастках у Мельніку і Шудзялаве.
