Адмоўнае знешнегандлёвае сальда Беларусі ў 2008 г. - 6,2 млрд долараў

6,2 млрд долараў склала адмоўнае знешнегандлёвае сальда Беларусі ў 2008 годзе. У параўнанні з 2007 годам яно павялічылася на 44,7%. Пра гэта заявіў старшыня Дзяржаўнага мытнага камітэта Беларусі Аляксандр Шпілеўскі.
Шпілеўскі паведаміў, што ў гандлю з краінамі СНД знешнегандлёвае сальда склалася адмоўным у памеры 11,6 млрд долараў, што на 48,7% болей, чым было ў 2007 годзе. Пры гэтым знешнегандлёвае сальда з краінамі па-за СНД склалася станоўчым - 5,4 млрд долараў супраць 3,5 млрд у 2007 годзе.

Як паведамляе "Інтэрфакс", адмоўнае сальда ў гандлю з Расіяй склала амаль 13 млрд долараў і павялічылася ў параўнанні з 2007 годам на 55%.