Актывісты просяць беларусаў сачыць, дзе адбываюць пакаранне палітвязні

Па словах суразмоўніцы Еўрарадыё, гэта адбываецца, таму што "палітычных зняволеных вельмі шмат": па звестках праваабарончага цэнтра "Вясна", па стане на 13 снежня 2021 года іх 912 чалавек. З праваабаронцамі спрачаюцца актывісты некамерцыйнай грамадзянскай ініцыятывы Dissidentby, якія даказваюць, што на сёння ў Беларусі не менш за 1528 зняволеных па палітычных матывах.

"Праваабаронцам не стае часу займацца абсалютна ўсімі пытаннямі, — дадае Алёна Панамарова. — Для таго каб інфармацыя была актуальная, мы ўсе павінны самі станавіцца валанцёрамі і перадаваць дакладныя звесткі пра зняволеных, каб яны сістэматызаваліся".

Актывістка заклікае беларусаў не забываць пра тое, колькі адважных людзей сядзяць у беларускіх турмах, і пісаць ім лісты. Гэта можна рабіць самастойна з любога кутка свету ці ў кампаніі аднадумцаў, напрыклад у Беларускім хабе ў Варшаве. У часе апошняй акцыі, якая праходзіла тут 12 снежня, было напісана не менш за 70 лістоў.