Аляксандр Лукашэнка падпісаў бюджэт на 2016 год

30 снежня Аляксандр Лукашэнка падпісаў закон №341 "Аб рэспубліканскім бюджэце на 2016 год". У чацвер гэты фінансавы дакумент быў уключаны ў Нацыянальны рэестр прававых актаў. Аднак тэкст яго пакуль не апублікаваны, адзначае БелаПАН.

Таксама кіраўнік дзяржавы падпісаў іншыя законы з бюджэтнага пакета: "Аб бюджэце дзяржаўнага пазабюджэтнага фонду сацыяльнай абароны насельніцтва Рэспублікі Беларусь на 2016 год", "Аб бюджэце дзяржаўнага пазабюджэтнага фонду грамадзянскай авіяцыі на 2016 год", "Аб бюджэце дзяржаўнага пазабюджэтнага фонду дэпартамента выканання пакаранняў Міністэрства ўнутраных спраў Рэспублікі Беларусь на 2016 год" , "Аб унясенні змяненняў і дапаўненняў у Бюджэтны кодэкс Рэспублікі Беларусь", а таксама "Аб унясенні змяненняў і дапаўненняў у некаторыя законы Рэспублікі Беларусь па пытаннях прадпрымальніцкай дзейнасці і падаткаабкладання".

Праект рэспубліканскага бюджэту быў прыняты Палатай прадстаўнікоў у першым чытанні 17 снежня, у другім — 18 снежня. У гэты ж дзень увечары законапраект ухвалілі члены Савета Рэспублікі.

Ці парушылі дэпутаты рэгламент, прымаючы Бюджэт-2016?

Непрыемныя сюрпрызы дзяржаўнага бюджэту на 2016 год

Фото: sputnik.by