Амерыканец Майкл Фэлпс устанавіў чарговы рэкорд Алімпіяды
Амерыканец Майкл Фэлпс устанавіў чарговы рэкорд Алімпіяды. Знакаміты плывец заваяваў свой 22-гі залаты алімпійскі медаль у заплыве на 200 метраў комплексным плаваннем (13 перамог у асабістым заліку і 9 — у эстафетах).
Як адзначае ВВС, Фэлпс стаў першым у гісторыі Алімпійскіх гульняў плыўцом, якому ўдалося перамагчы ў адной дысцыпліне на чатырох Алімпіядах запар.
Фэлпсу 31 год. Яго называюць каралём сусветнага спорту ў плаванні. У 2012 годзе ён аб'явіў пра спыненне сваёй кар'еры, але праз два гады вярнуўся ў вялікі спорт. У Рыа плывец ужо выйграў чатыры золата.
Delfi дадае, што амерыканец палепшыў дасягненне Леаніда Радоскага па колькасці індывідуальных узнагарод на Алімпіядах. Радоскі, які жыў у Старажытнай Грэцыі, заваяваў 12 чэмпіёнскіх вянкоў на чатырох Алімпіядах з 164-га да 152-га года да нашай эры.
