Арганізацыя EU Athletes заклікала вызваліць Алену Леўчанка

Міжнародная арганізацыя EU Athletes заклікала вызваліць баскетбалістку Алену Леўчанка, асуджаную ў Беларусі на 15 сутак адміністрацыйнага арышту. Таксама выказваецца падтрымка сотням беларускіх спартсменаў, якія выступілі за новыя выбары і супраць гвалту сілавікоў.

Зварот EU Athletes апублікаваны ў Twitter. Міжнародная арганізацыя падзяляе заклапочанасць міжнароднай супольнасці сітуацыяй у нашай краіне. Яна асуджае гвалт у дачыненні мірных пратэстоўцаў, усе формы ціску і рэпрэсій, у тым ліку і супраць беларускіх спартсменаў.

EU Athletes заклікае міжнародную супольнасць, алімпійскі рух, спартыўныя арганізацыі выступіць у падтрымку спартсменаў у Беларусі, патрабаваць спынення іх пераследу за палітычную пазіцыю і неадкладнага вызвалення Леўчанка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.