Арына Сабаленка выйшла ў 1/8 фіналу турніру ў Пекіне
Арына Сабаленка / Getty
У матчы трэцяга круга на тэнісным турніры ў Пекіне Арына Сабаленка атрымала другую перамогу.
Беларуска выйграла ў амерыканкі Эшлін Кругер у двух сэтах — 6:2, 6: 2.
Наступнай саперніцай другой ракеткі свету будзе таксама прадстаўніца ЗША Мэдысан Кіз. Апошні раз яны спаборнічалі між сабой у паўфінале Адкрытага чэмпіянату ЗША ў 2023 годзе. Тады Сабаленка прайграла пад нуль першы сэт, але выйграла матч — 0:6, 7:6, 7:6.
