Беларусь пакуль не вызначылася наконт прызнання Паўднёвай Асеціі і Абхазіі
Беларусь пакуль не прыняла рашэнне наконт прызнання незалежнасці Паўднёвай Асеціі і Абхазіі. Пра гэта ў Брусэлі заявіў міністр замежных справаў Беларусі Сяргей Мартынаў, паведамляе "Інтэрфакс". Па словах міністра, гэта складанае пытанне для ўсіх — быць улучаным у праблему прызнання каўказскіх рэспублік. Афіцыйны Мінск старанна вывучае усе аспекты і канчатковага рашэння яшчэ не прыняў.
