Беларусь, Расія і Казахстан падпішуць інфармацыйна-фінансавы пакт
Дакумент дазволіць сфармаваць прававую базу для эфектыўнага абмену інфармацыяй паміж краінамі, у тым ліку і канфідэнцыйнай.
Гаворка ідзе таксама пра пытанні рэгулявання і развіцця банкаўскай сферы, валютнага і страхавога рынку, рынку каштоўных папер.
Як паведамляе РІА "Новости", прэм'ер-міністр Расіі Дзмітрый Мядзведзеў ужо ўхваліў праект пагаднення, падрыхтаванага расійскім Мінфінам і ўзгодненага з МЗС і Банкам Расіі. Адзначаецца, што яго мэта — "стварэнне ўмоваў на фінансавых рынках для забеспячэння свабоднага руху капіталу". Таксама дакумент мусіць паспрыяць "развіццю інтэграцыйных працэсаў у фінансавай сферы".
Фота — Fotolia
