Заснавальніка беларускай дыяспары не ўпусцілі ў Грузію з Турцыі
Батумі / pixabay.com
Беларуса не ўпусцілі ў Грузію з Турцыі, піша @itinge. Яўген Гацак у аўторак быў вымушаны выехаць з Грузіі, каб "абнуліцца" і мець права на знаходжанне на грузінскай тэрыторыі яшчэ на працягу года. Аднак у сераду ва ўездзе ў Грузію, дзе засталася сям'я, яму адмовілі. Гацак збіраўся падаць дакументы на атрыманне палітычнага прытулку. Спачатку яму сказалі пачакаць, а праз пяць гадзін вывелі на турэцкі бок мяжы.
Сітуацыяй Яўгена Гацака і яго сям'і займаюцца праваабаронцы. Пра яе ведае Офіс Святланы Ціханоўскай.
У 2020-м у Беларусі Гацак быў назіральнікам на прэзідэнцкіх выбарах. Пасля з сям'ёй быў вымушаны з'ехаць за мяжу. У Грузіі ён стаў заснавальнікам беларускай дыяспары Аджарыі.
