Беларусаў і расіян дапусцяць да міжнародных спаборніцтваў па пяцібор'і
Беларускіх пяціборцаў пусцяць на міжнародныя турніры / pixabay.com
Беларускіх і расійскіх спартоўцаў дапусцяць да міжнародных спаборніцтваў па пяцібор'і, але толькі ў нейтральным статусе. Адпаведнае рашэнне прыняў Міжнародны саюз сучаснага пяцібор'я (UIPM) на нядаўнім пасяджэнні.
Бліжэйшым часам камітэт UIPM, у адпаведнасці з рэкамендацыямі Міжнароднага камітэта, створыць камісію для адбору спартоўцаў.
Раней МАК дазволіў удзел беларусаў і расіян у індывідуальных турнірах і пад нейтральным сцягам. Таксама МАК прапанаваў федэрацыям стварыць камісіі, якія правераць публічныя выказванні спартоўцаў з Беларусі і Расіі.
