Беларуская футбольная зборная перамагла двойчы запар. Поспех або шанцаванне?
![Зборная Беларусі па футболе атрымала дзве перамогі ў двух апошніх матчах](/sites/default/files/styles/gallery_main/public/2023-09/zbor.jpg.webp?itok=QR-7YB9P)
Зборная Беларусі па футболе атрымала дзве перамогі ў двух апошніх матчах / abff.by
Дзве перамогі запар, баявая нічыя са зборнай Швейцарыяй і 12 сумарных ачкоў — так беларуская футбольная зборная завяршыла сваю кваліфікацыю да Еўра-2024. Гэтага не хапіла для выхаду на чэмпіянат Еўропы, аднак варта адзначыць, што каманда дамаглася сапраўды добрага выніку.
Апошнія поспехі беларускіх футбалістаў звязваюць з фігурай галоўнага трэнера — іспанца Карласа Алоса, якой змяніў на пасадзе беларуса Георгія Кандрацьева.
Мяркуйце самі: пры Кандрацьеве ў зборнай была серыя з 16-ці матчаў без перамог, толькі ў апошняй гульні пад яго кіраўніцтвам беларусы здолелі перапыніць яе, абыграўшы Косава. Пры Алосе ж футбалісты ледзь не абыгралі швейцарцаў — нічыя (3:3), а таксама мінімальна перамаглі Андору (1:0) і моцную зборную Косава (1:0).
Так, беларусы зноў не адабраліся на буйны турнір, але апошнія матчы паказваюць: каманда можа гуляць, перамагаць і набіраць ачкі.
Ці працягнуцца перамогі ў будучыні? Пытанне адкрытае, а пакуль Еўрарадыё спытала ў спартыўных экспертаў, ці звязаныя апошнія поспехі зборнай са зменай трэнера і чаго ад яе можна чакаць у будучыні.
"План, якога павінная трымацца зборная, — гэта выходзіць і думаць пра тое, як не "аблажацца" з тым ці іншым супернікам"
Галоўны рэдактар by.tribuna.com Алег Гаруновіч лічыць, што перамогі прыйшлі дзякуючы іспанскаму трэнеру, аднак казаць пра якую-небудзь выбудаваную сістэму пакуль ранавата.
— Не магу сказаць, што менавіта, але Алосу відавочна ўдалося зрабіць тое, чаго не ўдалося зрабіць Кандрацьеву. Рабіць высновы рана — трэба сачыць за зборнай на дыстанцыі, толькі яна пакажа, было гэта шанцаванне, маральны ўздым ці нешта іншае. У футболе бывае, калі лёс аддае камандзе даўгі. Раней беларусам шмат не шанцавала — цяпер сітуацыя адваротная.
![Белорусская футбольная сборная победила дважды подряд. Успех или везение?](/sites/default/files/styles/default_image_paragraph/public/paragraphs/image/karlos%20alos_0.jpg.webp?itok=EGqEUaSC)
![Белорусская футбольная сборная победила дважды подряд. Успех или везение?](/sites/default/files/styles/default_image_paragraph/public/paragraphs/image/sbornaya_0.jpg.webp?itok=_0L9rRD6)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.