Брастаўчаніна пакаралі арыштам за абразу міністра адукацыі

Тры месяцы арышту прысудзіў суд Маскоўскага раёна Брэста мясцоваму жыхару Дзмітрыю Семаку, пішуць праваабаронцы.

Пасяджэнне па крымінальнай справе адбылося 17 жніўня. Мужчыну абвінавацілі ў абразе прадстаўніка ўлады (арт. 369 КК). Судовы працэс вяла Таццяна Лаўранюк.

У матэрыялах абаінввачання паведамлялася, што 23 чэрвеня ў 10:49 Сямак напісаў тэлеграм-каментар "пра міністра па прозвішчы І". Экспертыза пабачыла ў гэтым каментары "негатыўную ацэнку" міністра, выяўленую "ў ненарматыўнай форме маўленчага выказвання".

Самы верагодны кандыдат на ролю "пацярпелага" — міністр адукацыі Андрэй Іванец.

Акрамя арышту ў брастаўчаніна яшчэ і канфіскавалі мабільнік "як сродак здзяйснення злачынства".