Ціханоўская — суддзям і пракурорам: вашымі рукамі робяць асабістую помсту

Святлана Ціханоўская падкрэслівае, што "Сяргей не здаецца і не здасца". "Ён ведае, што беларусы працягваюць барацьбу, і разумее, што ўсе, хто прайшоў праз палітычныя прысуды і пераследы, будуць рэабілітаваныя, — працягвае яна. — Сяргей перадае пасланне нашым дзецям, піша сцэнары для фільмаў пра Беларусь і застаецца свабодным духам чалавекам у любых умовах. Я ведаю: ён хоча, каб мы не спыняліся. І мы не спынімся, пакуль не даб'емся вызвалення ўсіх палітвязняў”.

Сяргей Ціханоўскі знаходзіцца за кратамі з 29 траўня 2020 года. Ён быў затрыманы ў Гродне на перадвыбарчым пікеце Святланы Ціханоўскай, на якім збіраліся подпісы за яе вылучэнне кандыдатам у прэзідэнты Беларусі. На відэа — правакацыя, у выніку якой Ціханоўскага схапілі амапаўцы.