Ціханоўская сустрэлася з прэзідэнтам Польшчы
25 сакавіка ў Варшаве адбылася сустрэча прэзідэнта Польшчы Анджэя Дуды і дэлегацыі беларускіх дэмакратычных сіл на чале са Святланай Ціханоўскай. Гаворка ішла пра неабходнасць вываду расійскіх войск з тэрыторыі Беларусі, пра сумесную палітыку Захаду ў дачыненні рэжыму Лукашэнкі. Дуда распавёў пра вынікі саміта NATO і пра тое, што ў альянсе ёсць разуменне: беларускі народ не падтрымлівае расійскую агрэсію супраць Украіны.
Святлана Ціханоўская заклікала прэзідэнта Польшчы падтрымаць беларусаў, якія вымушана з'ехалі ў яго краіну. 25 сакавіка стала вядома, што ў Польшчы створана ўрадавая камісія для вырашэння праблем беларускіх уцекачоў.
Prezydent @AndrzejDuda gości w Pałacu Prezydenckim liderkę demokratycznej Białorusi Swiatłanę @Tsihanouskaya. Cichanouska jasno wypowiada się przeciwko wasalizacji Białorusi przez reżim Łukaszenki i przeciwko jej udziałowi w agresji na Ukrainę – podkreśla @JakubKumoch. pic.twitter.com/4YHCnDRNfC
— Biuro Polityki Międzynarodowej (@BPM_KPRP) March 25, 2022
