Доступ да сайта "Народныя навіны Віцебска" ў Беларусі заблакавалі
У Беларусі заблакавалі рэгіянальны сайт "Народныя навіны Віцебска". Пры загрузцы сайта адчыняецца заглушка, яка паведамляе, што доступ да яго абмежаваны ў адпаведнасці з рашэннем Міністэрства інфармацыі.
Сайт "Народныя навіны Віцебска" працуе больш за 15 гадоў.
Сёння таксама стала вядома пра блакаванне ў Беларусі іншага рэгіянальнага сайта — гэта гомельскі "Флагшток". Яго таксама блакуюць паводле рашэння Мінінфармацыі.
